*திருப்புகழ் 590 கலக்கும் கோது (திருச்செங்கோடு)*

வெற்றிவேல் முருகனுக்கு அரோகரா.
அருணகிரிநாதருக்கு ஜெ.

*திருப்புகழ் முற்றோதல்* 16.09.2025

அருணகிரிநாதர் அருளிய திருப்புகழில் *தினம் ஒரு திருப்புகழ் -590*

பாடல் கேட்க / பதிவிறக்கம் செய்ய For Audio Download

https://arputhathiruppugazh.blogspot.com/2025/09/590.html

*திருப்புகழ் 590 கலக்கும் கோது (திருச்செங்கோடு)*

தனத்தந் தானன தனத்தந் தானன
    தனத்தந் தானன ...... தனதான

கலக்குங் கோதற வடிக்குஞ் சீரிய
    கருப்பஞ் சாறெனு ...... மொழியாலே
கருத்தும் பார்வையு முருக்கும் பாவிகள்
    கடைக்கண் பார்வையி ...... லழியாதே

*விலக்கும் போதக மெனக்கென் றேபெற*
    *விருப்பஞ் சாலவு ...... முடையேனான்*
*வினைக்கொண் டேமன நினைக்குந் தீமையை*
    *விடற்கஞ் சேலென ...... அருள்வாயே*

அலைக்குந் தானவர் குலத்தின் சேனையை
    அறுக்குங் கூரிய ...... வடிவேலா
அழைத்துன் சீரிய கழற்செந் தாமரை
    யடுக்கும் போதக ...... முடையோராம்

சிலர்க்கன் றேகதி பலிக்குந் தேசிக
    திருச்செங் கோபுர ...... வயலூரா
*திதிக்கும் பார்வயின் மதிப்புண் டாகிய*
    *திருச்செங் கோடுறை ...... பெருமாளே.*

*------------------------------------------------------------------*
*பாடுவதற்கு எளிதாக பதம் பிரித்தது *
*------------------------------------------------------------------*

சாமியே முருகையா சாமியே சரணம் முருகையா
சாமியே முருகையா சாமியே சரணம் முருகையா

கலக்குங் கோது அற வடிக்குஞ் சீரிய
    கருப்பஞ் சாறு எனும் ...... மொழியாலே
கருத்தும் பார்வையும் உருக்கும் பாவிகள்
    கடைக்கண் பார்வையி ...... லழியாதே

*விலக்கும் போதகம் எனக்கு என்றே பெற*
    *விருப்பஞ் சாலவும் ...... உடையேன் நான்*
*வினைக் கொண்டே மன நினைக்குந் தீமையை*
    *விடற்கு அஞ்சேல் என ...... அருள்வாயே*

அலைக்குந் தானவர் குலத்தின் சேனையை
    அறுக்குங் கூரிய ...... வடிவேலா
அழைத்து உன் சீரிய கழற் செந் தாமரை
    அடுக்கும் போதகம் ...... உடையோராம்

சிலர்க்கு அன்றே கதி பலிக்குந் தேசிக
    திருச்செங் கோபுர ...... வயலூரா
*திதிக்கும் பார் வயின் மதிப்பு உண்டாகிய*
    *திருச் செங்கோடு உறை ...... பெருமாளே.*

*-----------------———————-----------------------------------------------*
*கருத்துரை* : திருச்செங்கோட்டு வேலா! மனமாசு அற அஞ்சேல் என்று கூறி ஆட்கொள்வீர்.

* திருச்செங்கோடு சேலம் மாவட்டம் சங்கரிதுர்க்கம் ரயில் நிலையத்திலிருந்து 6 மைல் தொலைவில் மலைமீது உள்ளது. மலை பாம்பின் உருவில் இருப்பதால் நாகமலை என்றும், சிவந்து இருப்பதால் திருச்செங்கோடு என்றும் பெயர் பெற்றது.

'செங்கோடனைக் கண்டுதொழ நாலாயிரம் கண் படைத்திலனே அந்த நான்முகனே' - என கந்தர் அலங்காரத்தில் சுவாமிகள் பாடியுள்ளார்.
*——————--------------------——-------------------------------------------*

எல்லா புகழும் முருகனுக்கே.
அருணகிரிநாதர் திருத்தாள் போற்றி போற்றி.

பொருளுக்கும் விரிவுரைக்கும்

https://kaumaram.com/thiru/nnt0590_u.html
https://kaumaram.com/thiru/wiki_1.php?wpp=1.page919
https://kaumaram.com/thiru/wiki_1.php?wpp=1.page920
https://kaumaram.com/thiru/wiki_1.php?wpp=1.page921
https://kaumaram.com/thiru/wiki_1.php?wpp=1.page922

https://kuganarul.blogspot.com/2018/06/blog-post_587.html

பிழைகள் ஏதேனும் இருப்பின் எம்பெருமானும் அடியார்களும் பொறுத்தருளுக.

பிழைகள் ஏதேனும் இருப்பின் எங்களுக்கு அனுப்பினால் நாங்கள் எங்கள் புத்தகத்திலும் வெப் ப்ளாக்கிலும் திருத்தி விடுகிறோம்.

அன்புடன்

காசிஸ்ரீ புஷ்ப. சுவாமிநாதன் (நினைவில்)
அற்புதத் திருப்புகழ் சபை, கோவை
Email : arputhathiruppugazhsabai@gmail.com
M : 9361410269